جهة سابعة
معاذ الليل
يتوچى الگمر بالليل
موش ابريح .. بنفوس البشر عاصف!
أكو مگابل حزن
يستر جفون العين.. لمَّن بالدمع مايقنع النازف
وأكو اموادع فرح .. يكسر ضلوع البين
من يركع گلب طول العمر واگف!
أشوفن كل شي وأقنع بس مثل عبّاس
بأوصاف البطولة سنين ما شايف
ياهنياله الجرِح ممسوس بملاگاه
آمن چان ..
بس راس السهم خايف!
غبار الطف ( مفكّر )
والشريعة ( دروس )
والميدان ( مرجع )
و العلَم ( عارِف )
إذا الجربة ( عرِش )
و عيونه ( سليمان )
چفينه تصير ابهالوصف ( آصف )!
